Mórúnir [Lón 2 ehf ]

Árstími, vaxtarstaður, tími sólarhrings, vatnið. Allt þetta hefur áhrif á þá liti sem jurtirnar gefa.

Jurtalitun er lifandi list, við litum í litlum skömmtum og  það eina sem er öruggt erað aldrei kemur 100% eins litur í hvert skipti upp úr pottinum, því setjum við ætíð garn úr sama litunarpotti saman í pöntun.

Við viljum veita valkosti í litbrigðum og verðum.  Lítinn hluta ullarinnar litum við með duftlitum, meðal annars til að fá fallega rauða og bláa tóna. Við leggjum áherslu á litbrigði sem ekki er hægt að fá annarsstaðar.  

Mórúnir lita ull með jurtum sem tíndar eru í vel grónum heiðum Kelduhverfis, í lúpínubreiðum sandanna og ræktuðu skóglendi.  Ýmsar algengar garðajurtir eru líka nýttar.

Íslenskar jurtir gefa okkur fallega jarðarliti, endalaus litbrigði af gulum, grænum og brúnum tónum.  Þær gefa líka rauðbrúna tóna og gráa. Til að fá aðeins tilbreytingu frá jarðarlitunum er hluti af ullinni litaður með kaktuslús sem gefur bleika, rauða og fjólubláa liti.   Bláa liti eða hreina rauða tóna er ekki hægt að ná með íslenskum jurtum.